कनेक्टिङ कल्चरल हेरिटेज (Connecting Cultural Heritage) सबैलाई आफ्ना अनुभवहरू आदानप्रदानमा सहजीकरण गर्न डिजाइन गरिएको हो: तपाईंले के सिक्नुभयो, तपाईंको अभ्यास, तपाईंका चुनौतीहरू र राम्रा विचारहरू । यसको अन्तिम लक्ष्य भनेको तपाईंको आत्मविश्वास, ज्ञान र सहायता सञ्जालहरू वृद्धि गरेर तपाईंको भविष्यका कामहरूमा तपाईंलाई सहयोग गर्नु हो ।
- यो के हो ?
- यो कसका लागि हो ?
- म कसरी आवेदन गर्न सक्छु ?
- हाम्रो बारेमा
आवेदन गर्न, कृपया यो आवेदन फाराम भर्नुहोस् ।
यो के हो ?
कनेक्टिङ कल्चरल हेरिटेज (Connecting Cultural Heritage) मध्य पूर्व, उत्तर अफ्रिका, पूर्वी अफ्रिका र दक्षिण एसियाबाट सांस्कृतिक सम्पदा संरक्षणमा काम गर्ने विभिन्न पेसाकर्मी र संस्थाहरूको सहकार्यमा डिजाइन गरिएको थियो । यो तीन वटा 8-हप्ते चक्रहरू मिलेर बनेको छ, प्रत्येक चक्रमा सांस्कृतिक सम्पदा संरक्षणसँग सम्बन्धित फरक-फरक पक्षमा केन्द्रित हुने छ:
- पहिलो, हामी सांस्कृतिक सम्पदा संरक्षणमा विशेषज्ञको रूपमा तपाईंका अभ्यासहरू अन्वेषण गर्ने छौँ । सम्भावित विषयवस्तुहरूः स्वदेशी र परम्परागत अभ्यासलाई टेवा प्रदान गर्ने, जलवायु परिवर्तनको अर्थ खोज्ने, दिगो विकास र सम्बोधन गर्ने ।
- दोस्रो चक्रमा, हामी व्यवस्थापनका विभिन्न चुनौतीहरूको चर्चा गर्ने छौँ ।
सम्भावित विषयवस्तुहरू: मूल्याङ्कन तथा सिकाइ, कोष व्यवस्थापन, डिजिटलीकरण, अभिलेखीकरण र कागजातहरू र विविधता व्यवस्थापन ।
- अन्तिम चक्रमा, हामी हाम्रो कामको वकालत गर्ने र तर्क/औचित्य प्रस्तुत गर्ने बारेमा विचार गर्ने छौँ ।
सम्भावित विषयवस्तुहरूः साझेदारी र गठबन्धनहरू, सांस्कृतिक सम्बन्धहरू, नीति निर्माताहरूसँग वार्ता गर्ने र सांस्कृतिक सम्पदाका तर्क, प्रमाण र औचित्र पुष्टि गर्ने ।
प्रत्येक चक्रमा एक परिचय सत्र हुने छ, त्यसपछि विषयगत साना सामूहिक सत्रहरू हुने छन् र हामी सारांश सत्र सहित समापन गर्ने छौँ । प्रत्येक चक्रपछि, हामीसँग कार्यक्रमको बारेमा विचार व्यक्त गर्ने र सिकाइहरू आदानप्रदान गर्ने समय हुने छ । एक सहभागीको रूपमा, तपाईं प्रत्येक चक्रमा अन्वेषण गरिने सवाल र विषयहरू प्रस्ताव गर्न र छनौट गर्न सक्नुहुने छ ।
| जुलाई 2023 – मे 2024 | |
| लगभग कुल 35 घण्टा अनलाइन सत्रहरू, केही अफलाइन कामहरू सहित | |
|
कार्यक्रम सत्रहरू जूम मार्फत सञ्चालन गरिने छ । अन्य सहभागी र कार्यक्रम डेलिभरी टोलीसँग कुराकानी गर्न एक अनलाइन च्यानल पनि हुने छ । |
|
|
कार्यक्रम अङ्ग्रेजीमा सञ्चालन गरिने छ, यद्यपि सीमित भाषाहरूमा सहायता उपलब्ध हुने छ । |
|
|
तपाईंलाई तपाईंको सहभागिताका लागि £1200 भुक्तान गरिने छ । यो पहिलो किस्ता कार्यक्रमको सुरुमा र दोस्रो किस्ता कार्यक्रमको सफल समापनपछि गरेर दुई किस्तामा भुक्तान गरिने छ । |
आवेदन गर्न, कृपया यो आवेदन फाराम भर्नुहोस् ।
यो कसका लागि हो ?
कनेक्टिङ कल्चरल हेरिटेज (Connecting Cultural Heritage) ती व्यक्तिहरूका लागि डिजाइन गरिएको हो:
- जो सांस्कृतिक सम्पदा संरक्षणमा सक्रिय रूपमा संलग्न छन् ।
- जो समुदायका अगुवा/सङ्गठक, सांस्कृतिक सम्पदा पेसाकर्मी, परियोजनाको नेतृत्व/प्रबन्धक जस्ता भूमिकामा छन्
- जोसँग निम्न योग्य देशहरूमध्ये कुनैमा सांस्कृतिक सम्पदा संरक्षणमा काम गरेको अनुभव छ:
- मध्य पूर्व तथा उत्तर अफ्रिका: अल्जेरिया, इजिप्ट, इराक, जोर्डन, लेबनान, लिबिया, शासित प्यालेस्टाइन क्षेत्र, सिरिया, ट्युनिसिया, यमन
- पूर्वी अफ्रिका: इथियोपिया, केन्या, सुडान, तान्जानिया, युगान्डा
- दक्षिण एसिया: बङ्गलादेश, नेपाल, पाकिस्तान
- जसले अन्तर्राष्ट्रिय सहकर्मीहरूसँग 'सांस्कृतिक सम्पदा संरक्षणमा के उपयोगी हुन्छ' भन्ने बारे साझेदारी गर्ने र सिक्ने प्रतिबद्धता जनाएका छन्
- जोसँग विद्युतीय माध्यमबाट सहभागी हुने क्षमता छ (सामूहिक सत्रहरूमा र सत्रहरू बिचमा जानकारी आदानप्रदान प्लेटफर्महरूमा इन्टरनेट र जुमको पहुँच)
- जोसँग कामचलाउ अङ्ग्रेजी बोल्ने सीप छ
कार्यक्रममा सहभागी हुन आवेदन दिनुपर्ने छ । सहभागीहरूलाई कार्यक्रमका लागि उपयुक्तताको आधारमा र समूहमा सीप, अनुभव र रुचिहरूको राम्रो सन्तुलन मिलाउने उद्देश्य सहित चयन गरिने छ ।
हामी पेसागत विकासमा भाग लिनका लागि खर्च लाग्छ भन्ने कुरा बुझ्दछौँ र हामी समानता पहुँचलाई समर्थन गर्न सबै सहभागीहरूलाई थोरै, निर्धारित "सहभागिता शुल्क" प्रस्ताव गर्दछौँ ।
अपेक्षाहरू
यदि तपाईं यस कार्यक्रममा भाग लिन चाहनुहुन्छ भने, हामी तपाईंलाई निम्न कुराहरूको अपेक्षा गर्ने छौँ:
- यस कार्यक्रम र कोहर्ट (समूह) मा सक्रिय रूपमा भाग लिन प्रतिबद्ध हुने ।
- सांस्कृतिक सम्पदा संरक्षणका आफ्नै अनुभवको बारेमा बताउन र अरूको कुरा सुन्न तयार हुने ।
- सहकर्मीहरूको प्रयास र सन्दर्भ प्रति खुल्ला, इमान्दार र सम्मान गर्ने लगायत सहकर्मी-सिकाइका सिद्धान्तहरू पालना गर्ने ।
- आफ्नो सिकाइ र अरूबाट के सिक्न सकिन्छ भन्ने बारे जिज्ञासु रहने ।
- तपाईंले कार्यक्रमभन्दा बाहिर आफ्नो समुदाय वा संस्था र सञ्जालहरूसँग सिकाइ र परिणामहरू कसरी आदानप्रदान गर्न सक्नुहुन्छ भनेर विचार गर्ने ।
- आफ्नो सिकाइका लागि जिम्मेवारी लिने । हामी तपाईंलाई अन्वेषणका लागि एक विशेष क्षेत्र पहिचान गर्न र कार्यक्रमको क्रममा व्यक्तिगत "लर्निङ लग" वा डायरी मार्फत यसको ट्र्याक राख्न आमन्त्रित गर्ने छौँ ।
- प्रत्येक चक्रमा सबै पूर्ण-सामूहिक सत्रहरू र कम्तीमा तीन वटा साना समूह सत्रहरूमा भाग लिने ।
- मूल्याङ्कन प्रयोजनका लागि कार्यक्रम भरि आफ्नो अनुभव व्यक्त गर्ने र प्रतिक्रिया प्रदान गर्ने ।